Juan Carllos Bueno Chueca

Fent-se-ne llenguas é la pròva fisica, per escrito, d’un puyalaz d’històrias, vivéncias i curiosidaz que pòbllan el mon de las llenguas. Las suyas misérias, excentricidaz, ostentacions i posicionaments.

Dende fa més de trenta ans que l’autor viu la pasion per las llenguas, en primèras, las que son a la vora, més tarde, las quasi sèt mil que se’n parllan.

El feit d’estar escrito en ribagorçano no é minor. En verdat las experiéncias vividas, l’apreneu enquestant el territòrio pròpio, no desmereixen las històrias de llenguas ignotas d’altros continents.

El llibre que tins a las mans no é més que la chiquerrina contribucion de l’autor a fèr pasar cultura universal pel nòstro prisma llocal, en la simplla esperança d’ajudar a la conservacion i transmision d’ixa part primordial i primigénia de la nòstra forma de mirar-mos i comprendre el mon.

Aprestat l"Armanhac, hi tornam deman é un viage a traviés d’històrias que desafian al tèmps, l’espace i hasta la raçon. A estas paginas, el que é comun s’enreliga en lo fantastico, lo intimo en lo que espanta, lo mundano en lo extraordinàrio. Dende el soroll d’un accident, pasant pel mermurar d’una conversa a un salon hasta el siléncio a una nau espacial, cada rellato ubre una pòrta a lo inesperau. L"insòmnio se torna una endevineta, la por pren formas entrefiguradas i las idèas còrren coma el bòn Armanhac. Juan Carllos Bueno Chueca mos convida a llegir, i tamben a acompanyar-lo a l’acto de creacion d’un periodo d’efervescéncia, un revolvin creativo que ha preneu forma en rellaz tan variaus coma impredeciblles. Històrias coma brotons que s’embastan a una llumineta, un soneo, que te faran perder-te i retrobar-te a cada llínia.